Ndërron jetë në spitalin e Traumës efektivi i Rrugores i aksidentuar pak ditë më parë. Ai është Myslym Bakërri.
Aksidenti ndodhi në Berat teksa efektivi patrullonte me mjetin e Policisë dhe u përplas me një tjetër makinë e përfundoi në kanal.
Bakerri ishte ne krye te detyres kur i aksidentua. Ai u dergua ne spitalin e Traumes per ndihme me te specializuar, por sot nderroi jete duke mos i perballuar dot plaget qe kishte marre.
NGJARJA
Një aksident i rëndë ka ndodhur mbrëmjen e sotme në segmentin rrugor Kuçovë- Ura Vajgurore pranë vendit të quajtur “Meteor”. Një mjet tip Volswagen është përplasur me makinën e policisë duke përfunduar të dyja në kanal.
Nga aksidenti janë plagosur 2 policët me inicialet A.V dhe M.B si dhe drejtuesi i mjetit Volswagen E.Sh, të cilët janë dërguar në spital dhe ndodhen jashtë rrezikut për jetën.
Njoftimi i policisë:
Më datë 14.07.2018, rreth orës 19:00, në segmentin rrugor Kuçovë – Ura Vajgurore në vendin e quajtur “Meteor” është përplasur një mjet tip Volsëagen me mjetin e policisë të qarkullimit rrugor, për pasojë të dy mjetet kanë rënë në kanal.
Si pasojë janë dëmtuar dy efektivë të policisë rrugore A.V dhe M.B si dhe drejtuesi i mjetit tip Volsëagen shtetasi E.Sh.
Të tre të dëmtuarve po i jepet ndihma mjekësore në Spitalin Rajonal Berat, jashtë rrezikut për jetën.
Grupi hetimor në vendngjarje po punon për zbardhjen e shkaqeve të aksidentit.