Inspektori i Rendit në Drejtorinë e Policisë së Fierit, Bujar Mema 49-vjeç ka humbur jetën pas infektimit me koronavirus.
Raportohet se 49-vjeçari ishte i prekur nga virusi dy javë më parë, ndërsa pas komplikacioneve, ka humbur jetën ditën e djeshme në një nga spitalet Covid në Tiranë. Për kolegët e Drejtorisë së Policisë së Fierit, ai njihej për korrektësinë e tij në detyrë.
Situata për shkak të pandemisë së COVID në vendin tonë vijon që të mbetet e rëndë. Ministria njoftoi dje se janë regjistruar 629 raste të reja dhe 13 humbje jete nga COVID-19.
Qarku me rastet më të larta pozitive me COVID është Tirana, ndërsa ajo që vihet re është se numri i të shëruarve ia kalon të infektuarve, ku dje 897 pacientë kanë fituar betejën e tyre me COVID.
