Zona e Kanalit te Çukës në Sarandë prej tre orësh vuan mungesën e energjisë elektrike.
Pasojat më të mëdha i vuajnë pushuesit dhe pronarët e hoteleve në këtë sezon veror.
“BalkanWeb” mëson se një çift italianësh kanë mbetur të bllokuar në një ashensor, ndërsa është dashur ndërhyrja e pronareve të hotelit për nxjerrjen e tyre.
Ndërkohë një tjetër hotel në këtë zonë raporton djegien e disa pajisjeve elektroshtepiake si pasojë e luhatjeve të energjisë.
Mësohet se shkak i ndërprerjes së energjisë është bërë marrja flakë e N/stacionit elektrik për shkak të ngarkesës. Shërbimi zjarrfikës ndërhyri menjëherë dhe fiku zjarrin. Nuk raportohet për njerëz të dëmtuar, por vetëm djegia e transformatorëve.
