Në kuadër të programit “100 fshatrat”, qeveria ka ndërmarrë disa ndërhyrje të rëndësishme në fshatrat e bregdetit jonian, Vuno dhe Dhërmi.
Në një takim në Jalë, me studentë dhe pedagogë të Akademisë së 100 fshatrave, Kryeministri Edi Rama u shpreh se “janë bërë disa ndërhyrje të rëndësishme për rikuperimin e shtëpive dhe elementëve tradicionalë të ndërtimit, si dhe në pjesën e bregut”.
“Paralelisht ne kemi bërë ndërhyrje jo vetëm këtu, por edhe në fshatrat e tjerë. Të gjitha këto janë korsi që shkojnë paralelisht me njëra-tjetrën, por korsia e Akademisë është themelore sepse vendos një bazë shumë të rëndësishme referencash për atë që do të bëjmë në vijim”, shtoi Rama.