Ditën e sotme është ndarë nga jeta komandanti i Qendrës së Bashkuar Operacionale, kolonel Neshet Shena.
Ndaj këtij lajmi të hidhur ka reaguar edhe Ministrja e Mbrojtjes Olta Xhaçka, e cila i ka shprehur ngushëllime familjes.
Ajo është shprehur se Shena ka dhënë një kontribut njerëzor e profesional të një prej oficerëve më të përkushtuar në FA.
“Pas një beteje të vështirë me një sëmundje të rëndë, kolonel Neshet Shena, komandanti i Qendrës së Bashkuar Operacionale, u nda nga jeta duke lënë në hidherim familjen dhe të gjithë ata që e njohën dhe punuan me të, në 35 vite të karrierës në Forcat e Armatosura. Mirënjohje pa kufi për kontributin njerëzor e profesional të një prej oficerëve më të përkushtuar në FA. Ngushëllimet më të ndjera bashkëshortes e dy djemve. U prehsh në paqe, kolonel Shena,” shkruan Xhaçka.
