Kryeministri Edi Rama ka shprehur ngushëllimet e tij për ndarjen nga jeta të kompozitorit të njohur Aleksandër Lalo.
Në një status në Facebook, kreu i qeverisë shkruan se Lalo u nda nga jeta duke lënë pas një pemë të mbushur me cicërima.
“Aleksandër Lalo, poeti i tastierës u nda nga jeta duke lënë pas një pemë të bukur mbushur plot me cicërima.
U prehtë në paqe,” shkruan Edi Rama.
Miq, të afërm dhe kolegë po zhvillojnë homazhe në nder të kompozitorit të njohur Aleksandër Lalo i cili u nda nga jeta një ditë më parë në moshën 68-vjecare. Homazhet po zhvillohen në hollin e RTSH dhe kanë nisur në orën 11;00. Në orën 13:00 Aleksandër Lalo do të përcillet për në banesën e fundit.
Aleksandër Lalo ndërroi jetë papritur pas një arresti kardiak. Ai kishte marrë titullin ‘Mjeshtër i madh’ nga presidenti dhe është autor i këngëve të muzikës së lehtë dhe të filmave.
