Drejtori i Përgjithshëm i Institucionit të Integrimit të Jetimëve të Shqipërisë, Ilir Çumani ka shprehur ngushëllimet e tij për ndarjen nga jeta te kompozitorit Agim Krajka.
Përmes një statusi në rrjetin social Facebook Çumani ka shkruar, se vdekja e Krajkës i ka lënë një brengë në zemër dhe një angështim në shpirt.
Teksa vlerëson figurën e kompozitorit, Çumani shkruan se Krajka u kthye në Gjeni i Artit tonë muzikor.
“Më ‘tradhëtove’ kësaj radhe miku im i çmuar…. profesor #AGIM#KRAJKA…..! Ti, mjeshtër i muzikës, që gjithë jetën të vallëzuan gishtrijntë e duarve në tastierat e fizarmonikës e të pianos, e ngado përhape tek njerëzit gëzim e hare përmes notave të pentagramit… Përse e bëre këtë maestro…!? Mengjeseve mblidheshim atje tek lokali ‘Lemza’ bashkë me Amin tënd të mrekullueshme dhe birin tënd Uliksin duke biseduar pafund, e ti s’lodheshe asnjëherë duke rrëfyer histori të bukura që të shoqëruan të gjithë karrierën tënde brilante të një artisti që u kthye në Gjeni i Artit tonë muzikor. Sa të vështirë do ta kem tashmë ardhjen time atje tek lokali ‘Lemza’, që ishte kthyer prej vitesh e vitesh në çerdhen e mjaft miqve dhe artistëve që u dashuruan pas muzikës tënde…!!! Maestro më ‘tradhtove’ pa asnjë arsye kësaj here duke më lënë një breng në zemër dhe një angështim në shpirt….!!! Gjithsesi, pusho dhe prehu në Paqe tani dhe kënga qoftë e pandarë nga Ty edhe në Parajsë…! R.I.P”, shkruan ai.
