Kreu i Partisë Bindja Demokratike, Astrit Patozi reagon pas deklaratës së kryeministrit në detyrë të Kosovës, Albin Kurti, sipas të cilit kryeministri Edi Rama nuk i kishte kthyer përgjigje ndaj një letre për bashkëpunim në kuadër të epidemisë së koronavirusit.
Patozi thotë se nuk është humbje e madhe dhe kështu siç kanë ardhur, shkruan ai, “nuk fitojmë ndonjë gjë po t’i perziejmë llumrat e Shqipërisë dhe Kosovës edhe në këto kohë koronavirusi”.
Reagimi i plotë:
Albin, nëse ke dërguar letër e nuk ta kanë kthyer, mos u anko për përgjigjen, sepse atë e ke marrë. Ndaj, ose mendohu të nisësh një letër tjetër, ose ndaje mendjen që kolonelit nuk ke pse t’i shkruash më.
Por mos na e trajto si dramë kombëtare, sepse nuk kemi humbur ndonje gjë të madhe në të dyja anët e kufirit.
Keshtu si kanë vajtur punët në këto nahitë tona, nuk fitojmë ndonjë gjë po t’i perziejmë llumrat e Shqipërisë dhe Kosovës edhe në këto kohë koronavirusi.
