Ndahet nga jeta komandanti legjende i nëndetëseve shqiptare Doktori i Shkencave Aleko Pojani.
Aleko Pojani kreu shkollën ushtarake “Skënderbej” dhe më pas Akademinë e Marinës në Baku të ish Bashkimit Sovjetik në vitet 50.
Pojani ishte njëri nga komandant e parë të nënëdetëseve shqiptare, i cili me nënëdetësen e tij 105 kreu misione shëmbullore dhe misterioze në Detin Mesdhe.
Nëndetsja 105 u bë e famshme nga libri i Ismail Kadaresë “Dimri i Madh” dhe filmi “Ballë për ballë” me skenar nga libri i shkrimtarit të madh.
Aleko Pojani ka qenë edhe komandant i Brigadës së Nëndetëseve në Bazën Ushtarako-Detare të Pashalimanit dhe pedagog në Akademinë e Marinës në Vlorë.
Aleko Pojani është autor i librit historik “Nëndetësja 105, kujtimet e një komandanti” botuar në vitin 2013 dhe mbante gradën Doktor i Shkencave.
Homazhet bëhen nga ora 09:00 – 13:00 në shtëpinë e funeraleve pranë Medresesë.
Ceremonia e përcjelljes për në banesën e fundit bëhet në orën 14:00, në Tiranë te varrezat e Sharrës.