I ftuar në “Natë më Xhaxhiun”, sekretari i marrëdhenieve me median në PS Alfred Peza foli mbi protestën e sotme të opozitës dhe djegien e mandateve.
“Ishte protesta e tetë dhe ishte protesta më e dobët nga pikëpamja numerike, pa lidership dhe me kohëzgjatje më të shkurtër.
Kjo tregon se ajo çka u pretendua nga opozita para dhe pas djegies së mandateve se ky ishte urdhri i popullit shqiptar rezultoi një gënjështër.
Nëse do ishte e vërtetë do të kishim një revulocion, gjë që nuk e kemi.
Në qershor ishte lënë të merrej data për negociatat në BE, e sipas opozitës kjo do të shkonte në favor të maxhorancës që do të lexohej në votë.
Ata e dinin që do ti humbnin zgjedhjet, e prandaj dolën nga sistemi që ta marrin zvarrë atë. Kështu duan të detyrojnë maxhorancën ti japë pushtetin në tavolinë dhe kjo gjë nuk ka për të ndodhur kurrë, u shpreh Peza.
/AlpeNews.al