Viti i Ri në rajon u prit në mënyrë të hareshme, ndërsa në shumë qytete pati festim të organizuar nëpër sheshe.
Tirana dhe qytetet e tjera shqiptare pritën ndërrimin e viteve me fishekzjarre shumëngjyrëshe.
Një koncert madhështor në sheshin e ri të Tiranës “Skënderbej” ashtu siç është bërë traditë çdo vit nga Bashkia e Tiranës, mblodhi qytetarët me rastin e mbylljes së 2017.
Qindra të rinj shijuan tingujt e muzikës në një koncert me këngëtarë të njohur të skenës shqiptare Elhaida Dani, Tiri & Band, Kastro Zizo, Beatrix Ramosaj, Elgit Doda dhe Ronela Hajati etj.
Në Podgoricë koncert mbajti Toni Cetinksi, ndërsa në Budva grupi “Bijello Dugme”.
Në Kroaci për Vitin e Ri shumica zgjodhën të festonin në sheshe me koncerte.
Në Zagreb, për festën u kujdesën Doris Dragoviq, Tonçi Huljiq me fishekzjarre tradicionale në mesnatë.
Në Dubrovnik koncertin e mbajti këngëtari Dino Merlin.
Këngëtari mbrëmjes në Sarajevë ishte Zdravko Çoliq.
Edhe pse temperaturat ishin nën zero, dhe me mjegull, kjo nuk i ndaloi disa dhjetëra banorë të Sarajevës dhe mysafirëve nga të gjitha anët të zbaviten nën qiell të hapur.
Edhe në Beograd pati festim të Vitit të Ri nën qiell të hapur. Në rrugë kishte atmosferë festive dhe njerëz që po shijonin muzikën në sfond.
Përgatiti: AlpeNews.al
