I konsideruar nga shumë, para fillimit të kampionatit, një nga favoritët më të mëdhenj për të fituar “Scudetton”, Napoli nuk i ka zhgënjyer pritshmëritë. Ekipi “Parthenopean”, në fakt, kryeson renditjen e Seria A pas 13 javësh, në sajë të 35 pikëve që kanë ardhur nga 11 fitore dhe 2 barazime të vetme.
Kjo e bën skuadrën e drejtuar nga Sarri një makinë të përsosur, pasi loja e bukur (ndoshta më e mira në Itali) i është bashkuar fortësisë. Napoli do të luajë në fushën e Udinese këtë të dielë, në një transfertë të rëndësishme e mjaft të vlefshme për javën e 14 të kampionatit italian. Sidoqoftë, me sa duket, hija e Vezuvit ka mbërritur tashmë, bashkë me ethet për atë që do të jetë ndeshja e ardhshme, ku Mertens me shokë do të presin Juventusin.
Gara kundër bardhezinjve të udhëhequr nga Massiliano Allegri përfaqëson një konfrontim të drejtpërdrejtë midis dy favoritëve të mëdhenj për titullin. Në momentin që të dy skuadrat janë të distancuara nga katër pikë, sfida e javës së 15-të mund t’i lejojë Napolit të arratiset, ose e kundërta, Juventusi të afrohet shumë pranë. Napoli, për ndeshjen e planifikuar në dhjetorin e ardhshëm, nuk do të llogaritë vetëm cilësinë e vet, por edhe një “San Paolo” të mbushur me tifozë.
Siç raportohet nga klubi napoletan përmes faqes zyrtare të internetit, tashmë ka janë zënë rreth 50.000 vende në stadium për këtë supersfidë, duke përfshirë tarifën e abonimit dhe biletat e shitura. Një armë shtesë për Sarrin dhe djemtë e tij, që ëndërrojnë gjithnjë e më shumë titullin.
