Jemi në ditët e para të Vitit të Ri dhe ajo që na vjen në mendje është; sa keq për ata që kanë ditëlindjen në muajin janar. Shumica e njerëzve pinë e hanë që gjatë Krishtlindjeve e më pas në ditën e fundit të vitit. Trupi është i ngarkuar me alkool, me ushqime dhe nëse duhet të festosh ditëlindjen, askush nuk do ketë dëshirë për të pirë ndonjë pijë. Të gjithë ndihen të lodhur, moti është i ashpër, nuk ka shumë lëvizje nëpër rrugë dhe njerëzit po përpiqen të marrin veten.
‘Ditëlindjet e janarit janë më të këqijat: askush nuk dëshiron të pijë, të gjithë duan një muaj të qetë, janë trokë nga lekët dhe nuk duan aspak të dalin”, shkruan Lorna Hayward për Metro e cila shpjegon se fatkeqësisht ata që kanë ditëlindjen në fillim të janarit nuk e ndjejnë dhe aq shumë emocionin, qoftë edhe vetë, për shkak të lodhjes gjatë gjithë vitit. Kurse ditëlindjet më të mira bëhen në verë dhe në pranverë.