Kandidati për kryeministër i Kosovës, kreu i Lëvizjes Vetëvendosje Albin Kurti deklaroi se subjekti politik që ai drejton po rritet me shpejtësi, për shkak të interesit të madh të qytetarëve për t’u anëtarësuar.
“Rritjen tonë nuk po mund ta kontrollojmë as vet. Na ka dalë rritja prej dore”, ka thënë Kurti nga takimi me qytetarë në qytetin e Podujevës, njofton Klan Kosova. Kurti tha se në Vetëvendosje kanë bërë kërkesë për anëtarësim edhe fëmijë 15 vjeçare por që nuk ua kanë mundësuar anëtarësimin për shkak të moshës së tyre.
“Por ne dashurinë për Vetëvendosjen nuk mund që t’ua ndalojmë”. Në zgjedhjet e 6 tetorit Kurti ka theksuar se do t’i kenë 50 mijë vota më shumë sesa në zgjedhjet e 2017-ës. “Nëse atëherë i kemi arrit 200 mijë, sivjet do të arrijmë në 250 mijë vota. 6 tetori është shansi unik dhe historik që nuk duhet ta lëshojë asnjë qytetarë as nga Kosova as nga emigrimi. Me qeverisje do ta zvogëlojmë Qeverinë për ta zhvilluar shtetin. Unë nuk kam nevojë për pesë zëvendës dhe as për shumë këshilltarë”, është shprehur Kurti.
