Sheremet Sejdiu qe 22 vjet po pret drejtësi për katër djemtë e vrarë nga regjimi serb. Teksa thotë se i janë shterur lotët, ai mbetet ende me shpresën se një ditë drejtësia do të triumfojë. Masakra në fshatin Qirez prej nga vjen Sejdiu, në aktakuzën e Speciales u quajt sulm dhe jo masakër.
Pak ditë para se të bëheshin 22 vjet nga vrasja e djemve të saj, vdiq nëna Adibe. Ajo i pa me sy forcat serbe duke ia vrarë djemtë, shkruan Gazeta Express.
Tani babai i Beqir, Nazmi, Bedri e Bekim Sejdiut thote se ndihet i zhgënjyer me drejtësine, ndersa tregon se cdo natë lutet që kriminelët serbë që ia vranë fëmijët të marrin dënimin e merituar.
Sheremet Sejdiu thotë se forcave serbe nuk iu mjaftoi vrasja e katër djemve por edhe i rrahën gratë dhe fëmijët.
Ai thotë se arrestimi i ish-krerëve të UCK-së e ka lënduar. Sipas tij kjo është padrejtësi sërish ndaj djemve të tij dhe gjithë të vrarëve dhe të masakruarve e viktimave të dhunimit serb.
Sejdiu thotë se do të vdes me zhgënjimin dhe lëndimin se kriminelët serbë nuk u dënuan.
