“Mund të kthehesh edhe nga ferri”, kështu shkruan mamaja e një vajze që ka kaluar anoreksi dhe tashmë është shëruar. Ajo ka postuar disa foto të vajzës së saj se si dukej kur ishte ende e sëmurë dhe si është tani.
Connie Ingils është vajza e re nga Leeds që luftoi kundër anoreksisë. Me ndihmën e të afërmve të saj dhe familjes ajo arriti ta mposhtë sëmundjen dhe të ndihmojë sot ata që vuajnë nga i njëjti problem.
Faqja e saj në Instagram nuk quhet më kot “My life without ana”, që nënkupton, “jeta ime pa anoreksinë”. Në blogun e saj me të njëjtin emër, rrëfen eksperiencën personale dhe gjithçka që duhet bërë për ta kaluar. Ndër të tjera sqaron se nuk është e thënë të jesh skelet i hollë, për ta konsideruar veten anoreksike. Mund të jesh duke vuajtur edhe pse i ke ende disa kile më shumë.
Ka treguar se ashtu si shumë vajza të tjera në situatën e saj, fillimisht fshihej poshtë rrobave të gjera. Sot ato i rrinë bukur pas trupit. Me vullnet, mund të dalësh nga ferri.
