44-vjeçari Florand Shehu është dënuar me burgim të përjetshëm në Greqi, i akuzuar për vrasjen e bashkëshortes së tij, Anisa Shehu.
Gjykata i dha të pandehurit burgim të përjetshëm, së bashku me një dënim shtesë prej 24 muajsh burg, pa asnjë lehtësim apo ulje dënimi.
Ngjarja e rëndë ka ndodhur në Greqi, më 30 korrik të vitit 2021 dhe tronditi opinionin publik. Në atë kohë, Florand Shehu deklaroi se e kishte vrarë bashkëshorten 31-vjeçare për arsye xhelozie. Policia mbërriti në vendin e ngjarjes dhe gjeti gruan të vdekur në dhomën e saj të gjumit, aty ku 40-vjeçari e kishte vrarë duke e goditur me thikë.
“Si përfaqësues ligjorë të familjes së Anisës, shprehim kënaqësinë tonë për një vendim të drejtë dhe të argumentuar nga ana e drejtësisë greke. Ky vendim nuk mund të kthejë jetën e humbur, por dërgon një mesazh të fortë drejtësie dhe besimi në shtetin ligjor”, përfundon deklarata.
Në dëshminë e tij pas krimit, 44-vjeçarit me origjinë shqiptare, e paraqiti aktin e tij si një moment “errësimi mendor”, duke ia atribuar pjesërisht përgjegjësinë edhe viktimës.
Sipas dëshmive të fqinjëve për mediat greke, marrëdhënia mes çiftit ishte problematike, me debate të shpeshta, xhelozi nga ana e burrit dhe shpeshherë viktima kishte kërkuar ndihmë me zë të lartë, duke thirrur “ndihmë” nga ballkoni i banesës.
Sipas avokatit të familjes së viktimës, gjatë gjykimit, autori tentoi të justifikojë veprimin e tij me pretendime për një lidhje jashtëmartesore të viktimës, diçka që nuk u provua dhe u refuzua kategorikisht nga Gjykata.
