Zhgënjimi i Alexis Sanchezit me dështimin e Arsenalit për t’u kualifikuar në Ligën e Kampionëve sezonin e kaluar ishte kyç në vendimin e tij për t’iu bashkuar Manchester Unitedit, sipas Jose Mourinhos.
Sulmuesi kilian e kompletoi kalimin në “Old Trafford” muajin e kaluar pas një marrëveshjeje shkëmbimi me Henrikh Mkhitaryanin, i cili iu bashkua “Topçinjve”, transmeton Express.
Jose Mourinho e ka përshkruar ish-yllin e Barcelonës si lojtar për të cilin United ka pasur nevojë dhe beson se dëshira e 29-vjeçarit për të luajtur në garën më prestigjioze evropiane për klube ishte fakti motivues i transferimit të tij.
