Moti i qëndrueshëm do të vijojë të dominojë në të gjithë territorin e vendit tonë.
Në orët e para të ditës kthjellimet do të përfshijnë të gjithë vendin ndërkohë që pasdite dhe në vijim do të ketë kalim të vranësirave të pakta.
Më të theksuara pritet të jenë në zonat malore. Temperaturat e ajrit do të rriten lehtë në mëngjes por do të vijojnë të ulen në mesditë duke luhatur vlerat ditore nga 6°C deri në 24°C.
Era do të fryjë mesatarisht me shpejtësi 38 km/h nga drejtimi verior duke krijuar në brigjet detare dallgëzim mbi 2 ballë.
