Pas përkeqësimit të motit, Aeroporti Ndërkombëtar i Tiranës ka dhënë informacione në lidhje me fluturimet. Sipas TIA, në kushtet e tanishme atmosferike, fluturimet ndërkombëtare vijojnë normalisht.
“Për çdo ndryshim të mundshëm apo informacion tjetër, mbetemi në dispicion të pasagjerëve,” lajmëroi aeroporti i Rinasit.
Komiteti i Koordinimit të Emergjencave Civile dhe Krizave pranë Kryeministrit informon për gjendjen në vend si pasojë e motit me reshje.
Sipas këtij komiteti, mbi vendin tonë ka mbizotëruar mot me reshje mesatare dhe të larta shiu, të cilat priten të intensifikohen më 30 nëntor – 2 dhjetor në gjithë territorin e vendit.
