Shqipëria prej ditësh është pushtuar nga reshjet e dendura të shiut dhe borës të cilat kanë sjellë problematika në disa vende. Për shkak të reshjeve masive të shiut Lumi Vjosa rrezikon që të dalë nga shtrai.
Shirat e shumtë kanë rritur ndjeshëm prurjet në Lumin Vjosa dhe nëse kjo situatë vijon përgjatë orëve të vijim lumi do të dalë nga shtrati.
Më herët u bë me dije se edhe fshati Lazarat në Gjirokastër është izoluar pasi përroi i Çullos ka dalë nga shtrati për shkak të prurjeve të mëdha nga shirat.
Për pasojë, rrugët që të çojnë në këtë fshat janë bërë të pakalueshme dhe për hyrë apo dalë në Lazarat është e pamundur.
Përroi i Çullos ka përmbytur dhe unazën e qytetit të Gjirokastrës, e cila lidh lagjen Granicë me lagjen Gërhot.
Edhe përroi i Sopotit ndonëse ka prurje nuk ka arritur piken kritike dhe situata për momentin është e stabilizuar.
