Pas 24 orësh mot i qëndrueshëm, pasditja e sotme dhe dita e nesërme do të risjellin motin e keq në vend.
Sipas Institutit të Gjeoshkencës, priten reshje shumë intensive kryesisht në Shkodër dhe Kukës dhe reshje intensive në qarqet Lezhë, Durrës, Fier dhe Vlorë.
Po ashtu parashikohen edhe reshje breshëri, të shoqëruara me erë dhe shtrëngata.
Njoftimi i plotë:
Sot pasdite (e enjte, dt. 15) dhe nesër (e premte, dt. 16) priten reshje intensive deri lokalisht shumë intensive në qarqet Shkodër dhe Kukës, ndërsa në qarqet Lezhë, Durrës, Fier dhe Vlorë priten reshje intensive. Në pjesën tjetër të qarqeve priten reshje mesatare deri lokalisht intensive.
Reshjet e shiut dhe breshëri të shoqëruara me erë dhe me shtrëngata do të prekin një pjesë të territorit (siç tregohet në tabelë, respektivisht për secilin qark). Shtrëngatat dhe intensiteti i lartë i reshjeve mund të krijojë probleme të ndryshme si edhe vërshime të përkohëshme të ujit pranë përrenjve dhe lumenjve të vegjël ose në zonat urbane në varësi të sistemit të kanalizimeve. Shtrëngatat do të jenë të shoqëruara dhe me shkarkesa elektrike.
TEMPERATURAT
Nesër (e premte, dt. 16) temperaturat minimale dhe maksimale të ajrit pritet të arrijnë:
në bregdet: 17 / 21°C
në vendet e ulëta: 15 / 20°C
në vendet malore: 12 / 18°C
ERA
Sot pasdite (e enjte, dt. 15) dhe nesër (e premte, dt. 16) pritet të fryjë mesatare deri e fortë (kryesisht në bregdet).
