Situata në qarkun e Korçës paraqitet pa probleme për shkak të motit të keq. Gjatë natës në këtë territor ka pasur reshje shiu me intensitet të ulet, deri në 15 mm shi te cilat nuk kanë shkaktuar problematika.
Gjendja e rrugëve nacionale dhe atyre rurale është e mirë, ndërkohë që qarkullimi i mjeteve kryhet si normalisht. Aktualisht nga kompanitë kontraktore po punohet për pastrimin e kanaleve anësore nga aluvionet e ndryshme, për kullimin e ujërave.
Në fushën e Maliqit situata është normale, ndërkohë që në lumin e Devollit ka filluar të ulet niveli i prurjeve të ujit. Po ashtu, në këtë qark nuk ka pasur probleme me furnizimin e energjisë elektrike.
