Ministria e Arsimit ka njoftuar ditën e sotme mbylljen e shkollave për shkak të temperaturave të ulëta të cilat do të pushtojnë vendin në ditët në vijim.
Kujtojmë se ka qenë Kushi e cila nëpërmjet një psotimi në rrjetin social Facebook, njoftoi se orët e humbura pritet të zëvendësohen në vijim sipas një koordinimi që do të bëhet me zyrat arsimore përkatëse.
Siç raportohen edhe meteorologët në vend pritet që temperaturat në Shqipëri të zbresin deri në -18 gradë Celsius në zona si Bulqiza apo Puka, ndërsa termometri në Tiranë pritet të zbresë deri në -8 gradë Celsius.
Termometri pritet të zbresë afër zeros edhe në zonat bregdetare si Durrësi, ndërsa në Vlorë priten temperature deri në -1 gradë Celsius.
Kulmi i temperaturave të ulta pritet të jetë dita e hënë.
