Pjesa e parë e ditës mbetet nën dominimin e kthjellimeve në të gjithë vendin.
Pasditja mbetet e kthjellët në zonat Jugore dhe pjesërisht në Qendër ndërsa vranësirat ri-shfaqen në zonat veriore të cilat gradualisht në mbrëmje dhe gjatë natës mbulojnë të gjithë territorin shqiptar.
Sipas MeteoAlb, temperaturat e ajrit rriten mesatarisht 2°C në të dy ekstremumet termike ditore vlerat e të cilave do të luhaten nga –2°C në 16°C.
Era do të fryjë kryesisht e lehtë, me shpejtësi 25 km/h nga drejtimi Veriperëndimor ndërsa në det vijon dallgëzimi deri 2 ballë.
Europa
Europa Veriore dhe rajoni i Balltikut dominohet nga vranësira dhe reshje dëbore. Po ashtu, vranësira të shpeshta por reshje të pakta shiu e dëbore do të ketë ekstremi Verior i gadishullit Iberik.
Por pjesa më e madhe e Europës dominohet nga mot kryesisht i kthjellët dhe temperatura të ulëta.
