Pjesa e parë e ditës mbetet me kthjellime në zonat Jugore dhe pjesërisht në Qendër ndërsa kthjellime dhe vranësira kalimtare do të ketë në Veri të vendit.
Gjatë pasdites vranësirat shtohen në Veri dhe gradualisht zbresin drejt zonave Qendrore dhe Jugore duke bërë që territori të dominohet nga kthjellime të shkurtra dhe vranësira të shpeshta.
Sipas MeteoAlb, temperaturat e ajrit do të rriten me 1 – 2°C në të dy ekstremumet ditore, duke bërë që vlerat e tyre të luhaten nga – 3°C në 14 apo 15°C.
Era do të fryjë e lehtë deri mesatare, me shpejtësi 28 km/h nga drejtimi Perëndimor duke gjeneruar në det dallgëzim 2- 3 ballë.
Europa
Pellgu i Mesdheut dhe kryesisht zona e Alpeve të Europës paraqiten me reshje shiu e dëbore ndërsa Europa Qendrore dhe Verilindore paraqiten me vranësira të shpeshta dhe reshje të izoluara dëbore.
Ndërsa vijon moti kryesisht i kthjellët në Lindje dhe pjesën më të madhe të Veriut dhe Qendrës së Europës.
