Gjatë gjithë ditës do të ketë kthjellime të shkurtra dhe vranësira të shpeshta me reshje të përkohshme shiu e dëbore në të gjithë territorin. Më të konsiderueshme reshjet paraqiten në zonat Veriore dhe Qendrore të vendit.
Sipas MeteoAlb, temperaturat e ajrit ulen me 2°C në mëngjes por mesdita sjell vetëm rënie të lehtë të temperaturave në territor.
Era do të vijojë mesatare dhe e fortë, me shpejtësi 65 km/h nga Lindja ndërsa në det vijon dallgëzimi 5- 6 ballë.
Europa
Europa Perëndimore dhe Qendrore, do të jenë me rrebeshe të shkurtra shiu ndërsa reshjet e dëborës mbeten prezente në Ballkan dhe pjesërisht në zonat Lindore të Europës.
Por rajoni Mesdhetar dhe pjesërisht Europa Qendrore paraqiten me kthjellime dhe vranësira kalimtare.
