Moti për ditën e premte në pjesën më të madhe të territorit do të vijojë me kthjellimet dhe vranësira të lehta.
Vranësira më të dukshme paraqiten në zonat malore.
Sipas MeteoAlb, pasditja mbetet e kthjellët në Jug dhe Qendër, por vranësira lokale do të
zhvillohen në Veri, duke sjellë gjatë mbrëmjes shira të izoluar.
Temperaturat e ajrit rriten lehtë në mëngjes dhe mesditë, duke shkuar në maksimum deri në 35 gradë.
Era do të fryjë mesatare, deri e fortë në Jug, me shpejtësi deri 40 km/h nga drejtimi Verior, ndërsa në det krijohet dallgëzim mbi 2 ballë.
Europa
Veriperëndimi, dhe pjesërisht Qendra e Europës, paraqiten me vranësira dhe rrebeshe afatshkurtra shiu.
Po ashtu, shira të përkohshëm do të ketë në zona të izoluara të Ballkanit. Por vijon moti kryesisht i kthjellët në pjesën më të madhe të kontinentit Europian.
