Në të gjithë vendin, moti paraqitet me kthjellime dhe vranësira kalimtare, më të shpeshta në Veri dhe zonat Lindore.
Ndërsa mesdita dhe gjatë gjithë pjesës së dytë të ditës, moti dominohet nga kthjellimet në të gjithë territorin shqiptar.
Sipas MeteoAlb, temperaturat e ajrit ulen me 1 – 2°C në orët e para të ditës por rritje me 2 – 3°C sjell mesdita në të gjithë vendin.
Era do të fryjë e lehtë deri mesatare, me shpejtësi 30 km/h nga drejtimi Veriperëndimor duke gjeneruar në det dallgëzim 2 – 3 ballë.
Europa
Europa Perëndimore dhe pellgu i Detit Egje, paraqiten me vranësira dhe shira por shira dhe dëborë do ketë pjesa më e madhe e zonave Qendrore dhe Verilindore.
Por Mesdheu dhe Europa Juglindore si edhe pjesa më e madhe e Veriut të kontinentit paraqiten kryesisht të kthjellëta.
