Sipas MeteoAlb moti dominohet gjatë gjithë ditës nga kthjellime dhe vranësira të herë pas hershme më të dendura nga mesdita deri pranë orëve të mbrëmjes duke sjellë gjatë kësaj kohe shira të shpeshtë por afatshkurtër në zonat malore dhe më pak në ultësirën perëndimore ndërsa bregdeti vijon me kthjellime dhe vranësira kalimtare.
Temperaturat e ajrit sjellin rritje të lehtë në mëngjes dhe mesditë duke variuar nga 15 në 37°c.
Era do të fryjë e lehtë dhe mesatare në det, kryesisht në Jon, me shpejtësi 35 km/h nga drejtimi verior ndërsa në det vijon dallgëzimi deri 2 ballë.
Evropa:
Veriu dhe Verilindja e Evropës mbeten me shira të përkohshëm por rrebeshe të shkurtra shiu përfshijnë Evropën Perëndimore.
Ndërsa kthjellimet me vranësira kalimtare mbizotërojnë Gadishullin Iberik dhe pjesën më të madhe të Evropës Jugore.
