Vijon dominimi i kthjellimeve me vranësira kalimtare deri në orët e pasdites kur vranësirat shtohen gradualisht në territor; më të shpeshta në zonat Lindore-Juglindore ku priten shira të përkohshëm.
Në mbrëmje dhe gjatë natës moti ri-kthjellohet thuajse në të gjithë territorin shqiptar.
Sipas MeteoAlb, temperaturat e ajrit pritet të ruajnë vlera termike thuajse konstante gjatë mëngjesit edhe mesditës.
Era do të vijojë të fryjë e lehtë, me shpejtësi 25 km/h nga drejtimi kryesisht Veriperëndimor ndërsa në det vijon dallgëzim i ulët.
Europa
Veriperëndimi dhe pjesërisht zonat Qendrore të Europës mbeten me vranësira të shpeshta dhe rrebeshe të shkurtra shiu. Por Europa Lindore dhe pjesërisht Jugu i saj, do të jenë kryesisht me kthjellime.
