Të paktën për Tiranën, mos bëni gati borëpastrueset! Meteoalb lajmëron se pas disa orësh, edhe kryeqyteti do të mbulohet me borë: “Sonte, mbrëmja dhe kryesisht mesnata sjellin dëborë në 90 për qind të territorit shqiptar.”
Vijojnë reshjet e dëborës në pjesën më të madhe të vendit ndërsa shira të konsiderueshëm në Perëndim dhe Jugperëndim të Shqipërisë. Pas Mesditës pritet përmirësim i motit në zonat Jugperëndimore ndërsa pjesa më e madhe e vendit dhe kryesisht Veriu mbeten me reshje të pakta dëbore. Gjatë natës, pritet një tjetër fuqizim i reshjeve në të gjithë Shqipërinë duke shtrirë dëborën edhe në zonat e ulëta.
Sipas MeteoAlb, temperaturat e ajrit sjellin një tjetër rënie me 2- 3°C në mëngjeist dhe gjatë orëve të mesditës kur pritet maksimumi deri në 10-11°C.
Era do fryjë kryesisht e fortë me shpejtësi 65 km/h nga drejtimi Verilindor duke bërë që në det dallgëzimi të ngjitet mbi 6 ballë.
Europa
Europa Jugore paraqitet me vranësira dhe reshje të konsiderueshme shiu në Jugperëndim dhe Mesdhe ndërsa kryesisht reshje dëbore në Europën Juglindore. Po ashtu, vranësira dhe reshje të pakta dëbore do të ketë Jugu i Skandinavisë.
Ndërsa vijon dominimi i motit kryesisht të kthjellët por shumë të ftohtë në pjesën më të madhe të Europës.
