Deti i trazuar dhe erërat e forta janë bërë shkak për pezullimin e lundrimeve ditën e sotme nga Porti i Vlorës. Për këtë arsye gjithashtu pritet vonesa e tragetit të linjës Brindisi-Vlorë. Ndërsa nga Porti i Durrësit deri tani situata paraqitet e qetë dhe pa probleme.
Sinoptikanët kanë lajmëruar që dje se duke nisur nga dita e sotme do të rikthehen reshjet dhe temperaturat e ulëta tipike për stinën e dimrit.
Gjithashtu është parashikuar edhe që reshjet gjatë ditës së sotme do të jenë mbi mesataren deri në intensive të shqëruara me shtrëngata në disa zona nderkoh që erërat do të jenë të forta në të gjithë territorin e vendit.
Nderkoh qëndron problemi dhe shqetësimi për rikthimin e përmbytjeve.
TEMPERATURAT
Sot temperaturat minimale dhe maksimale të ajrit pritet të arrijnë:
në bregdet: 7 °C / 16 °C
në vendet e ulëta: 6 °C / 16 °C
në vendet malore: 2 °C / 9 °C.
Përgatiti:AlpeNews.al/.
