Reshjet e shiut dhe breshëri kanë pushtuar qytetin e Fierit mesditën e sotme.
Ka mjaftuar vetëm 30 minuta shi i rrëmbyeshëm e breshër për të shkaktuar dëme të mëdha në kulturat bujqësore dhe pemët frutore në zonën e Kafaraj në Fier.
Fermerët kanë pohuar se rrebeshet e kësaj periudhe janë tepër të dëmshme veçanërisht në bujqësi dhe pemëtari.
Kjo situatë i ka shqetësuar së tepërmi pasi i gjithë investimi i tyre shkoi dëm vetëm për disa minuta ndërkohë që bujqësia është i vetmi burim që ata kanë për të siguruar jetesën.
Kohët e fundit, moti në vendin tonë ka qenë i paqëndrueshëm ku në varësi të ditëve herë ka mbizotëruar dielli dhe temperaturat e larta ndërsa gerë të tjera reshjet e shiut.
