Duket e pabesueshme, por as disa nga mjekët e QSUT nuk besojnë se COVID-19 ekziston. Shefja e Infektivit, Najada Çobo deklaroi në emisionin OPEN në Top Channel, se disa kolegë të saj nuk kanë besuar se koronavirusi ekziston.
“E kam parë edhe tek kolegët në QSUT, të cilët nuk kanë besuar se COVID-19 ekziston. Nëse nuk e beson personeli mjekësor, si mund ta besojë popullata. Mjekët duhet të japin informacionin e duhuar”, tha Çobo.
Shefja e Infektivit rrëzoi edhe dy mitë që janë përhapur gjërësisht në publik.
“Për fat të keq nuk është e vërtetë që ulet transmetueshmëria e COVID-19 në verë. Edhe pse temperaturat janë shumë të larta, ka një numër të shtuar të të shtruarve në spital. Edhe miti që COVID-19 kalohet lehtë në këtë periudhë, nuk është i vërtetë”, tha Çobo.