Gjykata e Korçës ka caktuar masën ‘arrest me burg’ me afat 40 ditë për Alti Nallbati, vëllain e deputetit të PD Bledjon Nallbati.
Të njëjtën masë ka dhënë edhe për Marsel Buçin dhe Trajan Çelikun, të cilët së bashku me vëllain e deputetit demokrat morën peng 32-vjeçarin Ilir Topçiun dhe e dhunuan fizikisht në Devoll.
Pala mbrojtëse kërkoi masë sigurimi më e lehtë, ‘arrest në shtëpi’ por kërkesa nuk u pranua. Në këto 40 ditë prokuroria do kryejë të gjitha hetimet.
Autorët dhe i dëmtuari kanë qenë miq. Gjatë seancë të tre pranuan faktin që e kanë goditur.
Avokatët mbrojtës kërkuan të faktohet që është kryer vepra penale e “heqjes së paligjshme të lirisë” pasi këta të fundit pretendojnë që është “plagosje e lehtë”.
