Massimo Moratti, ish-presidenti i Inter, ka folur për momentin që po kalon futbolli italian: “Kam shpresën se ata që do të drejtojnë Federatën do të rregullojnë gjërat. Në këtë moment duhen lënë mënjanë ambiciet personale, t’i jepen përgjigje njerëzve, tifozëve”, ka thënë Moratti.
“Të cilët nuk po kërkojnë hënën, por vetëm që të ketë transparendë, të kuptojnë atë që po ndodh. Unë kam qenë gjithmonë në botën e futbollit dhe nuk e kam kuptuar atë që ndodh. Nuk është një shenjë e mirë”.
Moratti beson se futbollistët duhet të merren me futbollin: “Më vjen keq të shikoj njerëz, si Del Piero, Maldini, Baggio, por edhe të tjerë, që nuk janë pjesë e kësaj bote”.
