Prokuroria e Krimeve të Rënda kërkon “arrest me burg” për Albert Veliun, njeriu që denoncoi publikisht se vëllai i ministrit të Brendshëm, Fatmir Xhafaj ishte i përfshirë në trafik droge. Video-përgjimi dhe intervista e Babales rezultoi i montuar dhe u realizua nga gazetari Jetmir Olldashi dhe u publikua nga deputeti i Partisë Demokratike, Ervin Salianji.
Menjëherë ka reaguar edhe kryeministri Rama, që në një postim në “Twitter” thotë se ky është fillimi i drejtësisë.
“Uroj që arrestimi i aktorëve të Babale 1 të jetë fillimi,jo fundi i drejtësisë mbi një maskaradë të orkestruar për të llahtarisur dynjanë e rrëzuar qeverinë!Pas mjeranëve të paguar për t’u përgjuar,qëndrojnë autorë e pagatorë të këtij rimi që duhet të paguajnë deri në fund”.
/AlpeNews.al
