Kryetarja e LSI Monika Kryemadhi, gjatë emisionit “5 pyetje nga Babaramo” deklaroi sot se për mendimin e saj Erion Veliaj nuk do të jetë kandidatura e Partisë Socialiste në zgjedhjet e reja lokale, pasi sipas saj ai e errëson fugurën e Edi Ramës dhe për këtë arsye, kryeministri nuk do t’ia ripropozojë atë sërish qytetarëve të kryeqytetit për ta votuar.
Në Tiranë, pse e diskriminoni pozitivisht Erion Veliaj, pra duke e mbështetur atë, ndryshe nga bashkitë e tjera? LSI është me qytetarët, është me qytetarët dhe jo me individët. LSI do jetë shumë e kujdesshme me listat, do të vendosin strukturat e partisë qoftë me listat e këshilltarëve, qoftë të deputetëve. Listat do të jenë të organizuara nga strukturat jo vetëm në qarqe, por do t’i nënshtrohen edhe diskutimit në kryesi. Veliaj është vetë në një situatë shumë të vështirë sot, nëse do të jetë ai perosni që do të ndjeki gjurmët e Ramës, si kryetar i ardhshëm i PS dhe si kryeministër. Unë e shoh Veliajn në shumë vështirësi, sepse të qenit kryetar bashkie me një qeveri që të krijon mundësi shumë më të mëdha, do të jetë përballë një sfide shumë të madhe, duke parë problemet psikologjike që ka Rama me njerëzit që i bëjnë hije figurës së tij. Unë mendoj se Rama nuk do ta rikandidojë, sepse Veliaj e errëson fiugurnë e Ramës.
Çizmja? Kryemadhi: Prifti më tha hajde rrëfehu! Ja ç’më thotë Meta
Kryetarja e LSI, Monika Kryemadhi e ftuar në emision “5 Pyetjet nga Babaramo”, iu rikthye edhe njëherë çizmes në parlament, për të cilën theksoi se nuk është bërë pishman. Përsa i përket ditëlindjes, teksa simbol i tortës ishte çizmja, Kryemadhi e shpjegoi duke thënë se ishte një surprizë e bukur. Kryemadhi theksoi se Meta i ka cilësuar si ekstremiste Pasi kalon 15 vite nuk të bën më përshtypje, vitet janë numra. Torta me çizme? Të rinjtë e LRI kishin bërë një surprizë të këndshme dhe mënyra si e kornizonin çizmen ishte e bukur. Çizmja sikur është simboli i së keqes, është edhe kundër të keqes. Kam një mik shumë të mirë, Don Mariani, që më tha që duhet të vish të rrëfehesh pas veprimit, i thash do të vij, por pishman nuk bëhem. Ai më tha se duhet të jesh më e qetë.
Eshtë një nga veprimet më të mira që kam bërë. Edhe Krishti e ka, që përmbysi tavolinën. Në darkë Don Mariani më telefonoi dhe i pari i familjes, i kishte thënë a mund ti puthësh dorën asaj vajzës që e ka bërë. A e diskuton me bashkëshortin rastin? Rrallë kur dëgjojmë lajmet dhe ai më thotë se je ekstremiste.
