Aktorja e njohur shqiptare Tinka Kurti është në gjendje të rëndë shëndetësore.
Mësohet se ajo është dërguar me urgjencë në një spital privat në gjendje të rëndë si pasojë e një infeksioni pulmonar.
Aktorja e njohur do të ishte pjesë e operës “Carmen” e sjellë në një version ndryshe nga baritani Gëzim Myshketa. Gjithashtu mësohet nga postimi i bërë nga blogeri Olti Curri se aktores së njohur i janë bërë të gjitha ekzaminimet e nevojshme dhe se çdo shpenzim për të rikthyer shëndetin e saj do të jenë në llogari të spitalit.
Tinka Kurti është nga aktoret më të njohura në skenën shqiptare si në film ashtu edhe në teatër.
Biografia:
Tinka Kurti u lindi më 17 dhjetor 1932 në Sarajevë, Bosnjë Hercegovinës nga një baba Shqiptar me origjin nga Dukagjini i Shkodërs dhe një nënë Hungareze. Është më e madhja nga katër fëmijët. Aktualisht jeton në Tiranë. Familja e saj u shpërngul në Shkodër kur ajo ishte në moshë të vogël. Pjesën më të madhe të jetës e kaloi në Shkodër, ku edhe iu bashkua teatrit në moshë të re.
U ngjit për herë të parë në skenë kur ishte vetëm 16 vjeç[1]. Për disa vjet u aktivizua në teatrin amator në Shkodër. Më 1947 u përjashtua nga Liceu Artistik i Tiranës dhe nuk mori asnjëherë ndonjë diplomë shkolle, por kjo nuk e pengoi të bëhet një aktore e madhe dhe e shumë e kulturuar.
Që nga viti 1949 e deri sa doli në pension ishte aktore e Teatrit “Migjeni” të Shkodrës, ku interpretoi rreth 120 role. Veçanërisht e suksesshme në rolet e forta dramatike të nënave, por po kaq e suksesshme në komedi. Shkëlqen me role protagoniste në “Gjaku i Arbrit”, “Histori Irkutase”, “Toka Jonë” – ku luan në fillim Filen e pastaj Loken, “Fisheku në pajë” apo “Fejesa e Çehovit”. Kurti ka interpretuar edhe në kinema, në rreth 35 filma artistikë, duke filluar me filmin e parë shiptar të metrazhit të gjatë, “Tana”, më 1958.
Ndër vepra të tjera janë Nënë Pashako tek “Yjet e netëve të gjata” (1972), nëna tek “Çifti i lumtur” (1975), Sinjorina Mançini tek “Vajzat me kordele te kuqe” (1978), Gjyshja tek “Zemra e nënës”. Tinka Kurti ka marrë çmime të shumta, si në festivalet kombëtare të filmit, ashtu edhe në ato të teatrit. Këtyre çmimeve u shtohen edhe vlerësime të tjera të rëndësishme, si medalja “Mjeshtër i Madh i Punës”, akorduar nga Presidenti i Republikës.
Filmat ku ka aktruar:
Ne kerkim te kujt (2012) serial
Familjet (2009) serial
Filumena Marturano (2009) Teatër
Ne dhe Lenini (2008)
Mira – (2008)
Kosova: Desperate Search – Etjet e Kosovës (2006)
Dasma e Sakos – (1998)
Nata – (1998)
Zëmra e nënës – (1994)
Vdekja e kalit – (1992)
Unë e dua Erën – (1991) – Doktoreshe Keti
Balada e Kurbinit – (1990) – Nëna e Dardit
Edhe ashtu edhe kështu – (1989) – Tezja e Almes
Flutura në kabinën time – (1988)
Telefoni i një mëngjesi – (1987)- Nena e Neritanit
Në emër të lirisë – (1987)
Hije që mbeten pas – (1985) – Nena e Agronit
Besa e kuqe – (1982) – Dila
Qortimet e vjeshtës – (1982) Nena e Kujtimit
Si gjithë të tjerët – (1981) – Drejtoresha e shtepise se femijes
Mëngjeze të reja – (1980)
Nusja – (1980)
Gjeneral gramafoni – (1978)- Nena e Halit Beratit
Vajzat me kordele të kuqe – (1978)
Emblema e dikurëshme – (1976)
Çifti i lumtur – (1975)
Lumë drite – (1975)
Në fillim të verës – (1975)….Nena e Veres
Operacioni Zjarri – (1973) Mrica (motra e Pjeter Mustakuqit)
Yjet e neteve te gjata – (1972) Pashako
Guximtarët – (1970)
Tana – (1958). *Misioni pertej detit
