Mesfushori kroat Luca Modric ka folur për të ardhmen e tij duke mos e përjashtuar mundësinë për të luajtur në futbollin Amerikan. Ballkanasi u largua nga Tottenham në vitin 2012 dhe kontrata e tij në Bernabeu vlen deri në qershor të vitit 2020.
Megjithatë, gjatë muajit të fundit ka pasur zëra që Modric mund të largohet në verë nga Los Blancos dhe pak a shumë këto zëra i ka konfirmuar edhe vet kroati.
Largimi i tij nga Reali ishte i lidhur për një kalim të mundshëm te Milani.
“Ju kurrë nuk e dini se çfarë mund të ndodhë”, ka thënë fillimisht Modric për STV Sport, citohet ESPN FC.“Kam ende dy vite më shumë në kontratën time me Real Madridin, jam i lumtur”.
“Gjithmonë thosha se do të doja të përfundoja karrierën time në Madrid nëse është e mundur. Por nëse jo, ndoshta unë mund të shoh veten në SHBA” – theksoi Modric.