Një modele ka zbuluar se si prindër të pasur i ofrojnë shuma gjashtëshifrore për të dalë me djemtë e tyre, sepse mendojnë se ajo është “gruaja ideale”. CeCe Rose, e cila ka 2.1 milionë ndjekës në Instagram, thotë se është kthyer në simbolin përfundimtar të “statusit” për familje elitare që e shohin si një partnere “unike”.
26-vjeçarja pretendon se shpesh kontaktohet nga nëna dhe baballarë milionerë, të cilët janë të dëshpëruar që djemtë e tyre të shihen në publik me një grua të nivelit të saj.
“Kam pasur prindër që më kanë kontaktuar duke më thënë se djali i tyre nuk ka perspektivë dhe kanë frikë se nuk do gjejë kurrë një vajzë si unë,” tha CeCe, e cila është nga Toronto, Kanada.
“Ata më thonë se duan të më dërgojnë me avion privat vetëm për të kaluar një fundjavë me të. Më shohin si ‘të dashurën perfekte’, dikë që është e bukur, e suksesshme dhe ka një mënyrë të sjelluri që nuk e gjejnë në botën reale.”
Një prind më tha:
“Djali im ka gjithçka, por nuk ka një vajzë si ti. Do të të paguaj gjashtë shifra vetëm për t’i treguar si duket një marrëdhënie e vërtetë.”
Ata nuk po më kërkojnë të jem mësuese, por të jem “çmimi”. Duan të sjellin në jetë ‘eksperiencën e të dashurës’, sepse mendojnë se unë jam standardi i artë. Jeta e saj luksoze sot është shumë larg nga fëmijëria e saj.
Pas bullizimit të rëndë në shkollë dhe problemeve shëndetësore, CeCe la shkollën e mesme dhe në moshën 15-vjeçare mbeti pa strehë.
“Isha në një periudhë shumë të vështirë. U largova nga shtëpia në 15 vjeç dhe punoja në dy punë të lodhshme në kuzhinë dhe në një vend për barbekju dhe një dyqan akulloresh vetëm për të mbijetuar,” tha ajo. CeCe beson se njerëzit tërhiqen nga ajo sepse ajo përfaqëson një version “perfekt” të kujdesit dhe imazhit në marrëdhënie.
“Ata kërkojnë ‘eksperiencën e të dashurës’, jo thjesht pamjen. Duan dikë që i bën të ndihen sikur janë e vetmja gjë në botë,” shpjegoi ajo.
“Shumë njerëz sot kërkojnë në internet sepse marrëdhëniet reale janë bërë të ftohta dhe të shkëputura.” Pavarësisht ofertave të mëdha, ajo thotë se nuk i pranon. “Nuk do të jem pronë e askujt,” përfundoi ajo./ Burimi: The Sun
