Mjeku infeksionist Tritan Kalo ka reaguar me anë të një postimi në Facebook në lidhje me një rast tepër të rëndë me të cilin po përballen fëmijët sot në kryeqytet.
Bëhet fjalë për Varicelën ose në gjuhë popullore lija e dhënve, të cilën e konstatuar tek një pjesë e fëmijëve të cilët kishin dal me prindërit e tyre këtë fundjavë pranë Liqenit Artificial.
Në shkrimin e tij dr.Kalo reagon ashpër kundrejt pakujdesisë që këta prindër kanë për fëmijët e tyre, duke vënë në dukje dhe problematikat e Varicelës.
Postimi i plotë:
Prindër ndërgjegjësohuni: “Ignorantia non est argumentum”……
Arsyeja e vetme pse u ula të shkruaj këto rreshta është fakti se, SOT ndërsa gjerboja një kafe me kushot e mi në një nga lokalet e shumtë rreth Liqenit Artificial të Tiranës isha i pranishëm në skena “ulëritëse” të mos përgjegjësisë qytetare dhe mos ndërgjegjësimit prindëror….
Jo pak fëmijë me shenja shumë të qarta të VARICELËS (Lisë së Dhenve) ishin sjellë prej tyre në këto lokale, të cilët vinin vërdallë e luanin me fëmijët e tjerë pa asnjë shenjë klinike të kësaj sëmundje….
KËTA prindër ose janë plotësisht injorantë dhe nuk e dinë se edhe pas daljes së elementëve kutanë të Varicelës: macula, papula, vezikula e krusta ajo sëmundje ende mbetet ngjitëse, infektuese edhe për së paku dy (2) javë, ose papërgjegjshmëria dhe keqdashësija e tyre i ysht të bëjnë veprime të tilla epidemiologjikisht, shoqërisht dhe moralisht të dënueshme për të tjerët, por pse jo edhe për fëmijët e tyre, që mundet të mbiinfektohen ose të rëndohen…Quo vadis Shqipëria ime!!!
