Mjeku i Infektivit Tritan Kalo i ka bërë apel politikanëve që të bëjnë më pak politikë për përfitime personale, pasi kështu na e kërkon “koha covidiane” në të cilën po jetojmë.
Apeli i tij është si për mazhorancën, edhe për opozitën psi po kalojmë kohë të vështira, ndërsa shprehet se e vetmja PPP që ai dhe “mantelbardët” e tjerë njohin janë: Profesionalizëm, punë dhe përkushtim.
Jeta e çdo shqiptari është e shtrenjtë, e paçmimtë. Nëse ne vetë nuk e rrisim përgjegjësinë ndaj vetëvetes, do të mundet të infektohemi më lehtë nga kjo “FLAMË MBARËBOTËRORE”, shkruan Kalo ndër të tjera.
Ai thotë se vetëm së bashku do të mund t’ia dalim mbanë, ndërsa e konsideron secilin si pjesë të familjes.
Postimi i plotë i Tritan Kalos:
KOHA COVIDIANE kërkon nga të gjithë JU sëra e politikbërësve MË PAK Politikë për politikë si dhe për përftime politike, qoftë nga Mazhoranca po ashtu edhe nga Opozita….Po kalojmë kohë jo të lehta, dhe kohë të tilla kërkojnë përditë e më shumë:
1- PROFESIONALIZËM,
2- PUNË e
3- PËRKUSHTIM, si e vetmja PPP të cilën unë dhe sëra ime e MANTELBARDHËVE njeh dhe mbështet fuqishëm….”SHQIPËRIA NUK BËHET PA SHQIPTARËT” – shprehej dikur Rilindasi i vërtetë, Sami Frashëri….NUKU jemi miliarda që të mos përpiqemi të vetëmbrojmë jetët tona….JETA E ÇDO SHQIPTARI është e shtrenjtë, e paçmimtë….
NËSE ne vetë nuk e rrisim përgjegjësinë ndaj vetëvetes, do të mundet të infektohemi më lehtë nga kjo “FLAMË MBARËBOTËRORE”…. JU DUAM SHUMË dhe ju konsiderojmë secilin prej jush si një nga pjestarët e familjeve tona…..
JEMI aty për ju në linjën e parë të përballjes me sfidën COVID-19….NE BASHKË DO TË MUNDET TË JA DALIM MBANË, por BASHKË e vetëm BASHKË!!!
