Një varr masiv prej 44 trupash të varrosur në një pus është zbuluar në Guadalajara të Meksikës.
Trupat ishin të fshehura në 199 çanta të zeza dhe autoritetet hasën vështirësi në identifikimin e trupave të pajetë, pasi ata ishin tw prerw nw copa.
Banorët e zonës pikasën këto mbetje në fillim të shtatorit kur dhe filluan të ankoheshin për erën.
Jalisco njihet si një zonë e përbërë nga banda të dhunshme të cilët si aktivitet kryesor kanë trafikimin e drogës.
Kjo është gjetja e dytë më e madhe e trupave të pajetë në Meksikë brenda këtij viti. Pjesa më e madhe e trupave ishin të prerë, kështu që autoritetet duhej të bashkonin pjesë të ndryshme për t’i identifikuar ato.
Organizatat lokale për kërkimin e njerëzve të zhdukur i bënë thirrje qeverisë të dërgojë më shumë specialistë për të ndihmuar në identifikimin e tyre.
