Bukuritë femërore të zbritura nga 58 vende të botës janë bërë bashkë në eventin e Miss Globe, i cili do të zhvillohet në 3 nëntor në vendin tonë.
Në një intervistë për Ora News regjisori, Petri Bozdo ndan detaje rreth këtij eventi.
“Të gjitha prognozat e vendit parashikojnë të jenë një ngjarje shumë e madhe që do mbërrijë në finale në datën 3 nëntor për vetë faktin se ka një konkurrencë të jashtëzakonshme bukurish nga shumë shtete”.
Përfaqësueset nga Meksika dhe Armenia të cilat prej pak ditësh qëndrojnë në Shqipëri, shprehen se tashmë ndihen të dashuruara me vendin e shqiponjave.
“Falë këtij vendi kemi vizituar shumë vende të bukura të shtetit tuaj. Shqipëria është ne vend magjepsës”, tha miss Meksika.
“Unë vij këtu si përfaqësuese e Armenisë, e dua këtë vend sepse është shumë i bukur. Më pëlqen muzita shqiptare”, u shpreh bukuroshja armene.
Dhe për miss Shqipërinë eventi ka një rëndësi të madhe, dhe mbi të gjitha ka emocoine.
“Ndihem krenare që 56 vende të botës mblidhen këtu. Do jap maksimumin tim”
Konkursi i bukurisë do zhvillohet në qendrën Olimpike në Tiranë. Shqipëria është pjesë e axhendës së eventeve të bukurisë botërore, ku prej 14 vitesh Miss Globe zhvillohet në mënyrë të përvitshme dhe mban firmën e regjisorit Petri Bozdo.
/AlpeNews.al/
