Një alpiniste u shpëtua sot nga mali i Çikës në Llogara, falë profesionalizmit të lartë të treguar nga ekipi i shpëtimit dhe veçanërisht piloti i helikoperit. Alpinistja 31-vjeçare pësoi një traumë kranike, VLC të fytyrës dhe traumë të baçinit pas një aksidenti në mal. Falë ndërhyrjes në terrenin e vështirë u bë i mundur dërgimi i saj në Spitalin e Traumës në Tiranë ku ndodhet jashtë rrezikut për jetën.
Ndërhyrjen për shpëtimin e saj e ka përshëndetur edhe ministrja e Mbrojtjes Olta Xhaçka: Heroikë në kuptimin e plotë të fjalës! Respekt dhe vlerësim të pafundëm për profesionalizmin e njësisë shëndetësore të Bazës Ajrore Farkë, të cilët sfiduan terrenin e vështirë dhe shpëtuan një alpiniste 31-vjeçare, të dëmtuar gjatë stërvitjes në malin e Çikës në Llogora.
Krenare për punën heroike të ekipit të Urgjencës!
Menjëherë sapo mora njoftimin për dëmtimin e një vajze në Malin e Çikës, organizuam dhe nisëm misionin e shpëtimit nga Qendra Kombëtare e Urgjencës Mjekësore, Njësia 🚁.Një mision të pazakontë shpëtimi, në një terren të vështirë🏔Shërim të shpejtë vajzës! Krenare për punën heroike të ekipit të Urgjencës!
Gepostet von Ogerta Manastirliu am Sonntag, 13. Januar 2019
