Ameli i bëri të përjetonin për herë të parë ndjesinë e prindërimit, pikërisht si sot 2 vite më parë ciftin më të dashur të muzikës shqiptare Alban Skënderaj dhe Miriam Canin.
Vajza e çiftit Alban Skënderaj dhe Miriam Cani feston sot ditëlindjen e saj të dytë. Si dy prindër këngëtarë nuk mund t’i bënin një dhuratë më të bukur për ditëlindje, se një këngë plot frymëzim e dashuri kushtuar vetëm për të. Ky është dhe klipi i shumëpërfolur nga mediat në të cilin këngëtarët e kishin pranuar se do të ishte prezente dhe vajza e tyre. Lancimin e klipit e bërën të ditur ata vetë nga rrjetet e tyre sociale duke uruar ditëlindjen e vajzës si dhe festën e Pavarësisë së Shqipërisë.
“Gezuar Datelindjen zemra e mamit. Sot qielli eshte i paster per te dhuruar te gjitha rrezet e diellit qe ti meriton ne kete dite te madhe. Asgje nuk dua me shume ne jete se lumturine tende. “Ti je dhurata me e bukur ne jete, je te gjitha pergjigjet, je suksesi i vertete.”Gezuar shpirt me kete kenge ty dhe cdo prindi, femije e cdo shqiptari kudo ne bote “-ka shkruar Miriam krah postimit të saj.
Nuk mund të mungonte dhe një dedikim nga Albani për vajzën e tij:
“Gezuar datelindjen e shtrenjta ime ne kete dite te madhe dhe te bekuar. Ti erdhe atehere kur kishim me shume se kurre nevoje per ty si Dhurata me e bukur ne jete. Kjo kenge qe besoj se jane fjalet e cdo prindi eshte Dhurata jone per ty. Ti sot mbush 2 vjec dhe ne urojme me zemer qe te behesh 105. Na duket sikur te gjithe shqiptaret sot festojne pak edhe per ty. Gezuar diten e Pavaresise te gjitheve dhe qofshi te lumtur prane familjeve tuaja”./AlpeNews.al/
Më poshtë mund të shihni videoklipin
