Sezoni futbollsitik në Shqipëri mbaron të dielën me Kupën e Shqipërisë por të Kuëksi, pas pak më shumë se dy javësh fillon puna për sezonin e ri.
“Ekipi mblidhet në orën 10 të datës 11 qershor. Me 15 qershor nisemi drejt Sllovenisë ku do të kryejmë fazën përgatitore për pjesëmarrjen në Kupat e Europës”, tregon drejtori sportiv, Nderim Nexhipi, për “Vip Sport”.
Kuksianët do të mësojnë shortin me 19 qershor dhe në të njëjtën ditë, kanë planifikuar edhe miqësoren e parë me ekipin e Mariborit, më i njohuri në Slloveni, i cili në sezonin që sapo u mbyll, luajti në fazën në grupe të Ligës së Kampioneve.
“Pas tij po planifikojmë dy miqësore të tjera, jemi në bisedime me Dinamon e Zagrebit dhe me shumë mundësi një ekip rus. Pastaj të shohim shortin, në varësi të tij, planifikojmë një tjetër miqësore luksi për të cilën jemi në bisedime”, theksoi Nexhipi.
