Presidenti Donald Trump ka deklaruar të shtunën një teori konspirative që lidh familjen Klinton me vdekjen e miliarderit të akuzuar për trafikim seksual Jeffrey Epstein, i cili u gjet i vdekur dy ditë më parë në burg, ku dyshohet se ka kryer vetëvrasje.
Përmes një postimi në rrjetet sociale, presidenti Trump shpërndau një video nga komediani konservator Terrence Williams ku tha se ish-Presidenti Bill Klinton dhe ish-Sekretarja e Shtetit Hillary Clinton, rivalja e zgjedhjeve presidenciale të Trump-it në 2016, ishin përgjegjës për vdekjen e Epsteinit, edhe pse ai nuk kishte prova për këtë gjë. Të dy Trump dhe Bill Klinton ishin miq me Epsteinin në dekadat e mëparshme.
Byroja Federale e Burgjeve dhe Prokurori i Përgjithshëm Bill Barr tha se Epstein u vetëvra në qelinë e burgut, teksa ishte në paarburgim. Ligjvënësit dhe zyrtarët e qeverisë kanë bërë thirrje për hetimet mbi vdekjen e Epsteinit, por asnjëri nuk shkon aq larg sa Trump, i cili akuzon se pas vdekjes qëndron një dorë politike. Trump nuk ishte zyrtari i vetëm në administratën e tij që promovoi teorinë e komplotit Epstein-Clintons. Lynne Patton, një zyrtare e lartë në Departamentin e Strehimit dhe Zhvillimit Urban dhe një ndihmëse e mike e familjes së Trump, gjithashtu i dha zë teorisë së komplotit duke postuar në llogarinë e saj.
